VOV4.Jarai - Mơguah lơ 1/4, Ding jum pơtom hiăp hăng Grup jar kmar pơhiăp tơlơi Prang (OIF) gum hrŏm pơphun Jơnum bơwih ƀong huă gưl glông mơnuih pơhiăp tơlơi Prang. Kơ-iăng Khua dêh čar ơi Phạm Bình Minh hăng Khua čih pioh Grup jar kmar pơhiăp tơlơi Prang Lui-dờ Mút-shi-ki-oa-bô git gai mông jơnum. Đĭ pơhiăp amăng mông Jơnum bơwih ƀong huă gưl glông Việt Nam - Mơnuih pơhiăp tơlơi Prang, Kơ-iăng Khua dêh čar ơi Phạm Bình Minh pơsit tong: Việt Nam hơmâo hăng glăk pơplih kơtang anăp nao pơđĭ kyar bơwih ƀong mơtah, bơwih ƀong pơplih phrâo. Kơnuk kơna hluai tui hơdôm jơlan hơdră, akŏ bruă prong, amăng anun hơmâo hơdră bruă lŏn ia kiăng kơtưn pơđĭ kyar mơtah rơwang thun 2021-2030, anăp nao thun 2050, hăng hơnong pơkă pơtrut pơplih bơwih ƀong huă pơlir hăng pơplih phrâo hơbô̆ bruă pơđĭ kyar bơwih ƀong huă, hơđong kjăp hăng bơkơnar amăng mơnuih mơnam, anăp nao bơwih ƀong mơtah, gap ƀrô carbon hăng pơgôp amăng hơnong pơkă ngă tơdŭ pơ-iă amăng rŏng lŏn tơnah.

Siu Đoan: Pơblang