VOV4.Jarai-Lơ 16/5, ƀơi anom bruă kơnuk kơna, Kơ-iăng Khua dêh čar ơi Phạm Bình Minh, Khua grup hyu mă bruă mrô 1 ĕp lăng, pơtrut bruă mă, pơsir tơlơi tơnap tap, brơi čan prăk tañ tuh pơ alin kơ bruă čar thun 2022, git gai jơnum hăng 9 ding jum, anom bruă mă yua prăk kaih pơkă hăng tơlơi kiăng amăng dêh čar. Ƀơi mông jơnum, ƀing khua mua pơ ala 9 ding jum, anom bruă lăi pơthâo tơlơi tơnap dŏ gun pơdjơ̆ nao ruh sang čuk dăo duh glăi lŏn sang ană plơi, lơ̆m anun hơdôm kơčăo bruă phrâo kiăng hơmâo hrơi blan ƀiă ngă giong hră pơar tuh pơ alin djơ̆ tơlơi phiăn.

Hơdôm kơčăo bruă pok pơhai ƀơi lu tơring čar, tơlơi thâo bruă mơ̆ng hơdôm khua mua wai lăng kơčăo bruă, pô tuh pơ alin dŏ kơƀah. Lu anom bruă rơkâo khua dêh čar brơi ngă sui hrơi blan hloh akŏ bruă tuh pơ alin yua prăk kơnuk kơna dêh čar amăng thun 2021 ba yua amăng thun 2022 dơ̆ng; laih anun rơkâo Ding jum Man pơdong sem lăng, lăi pơthâo hăng kơnuk kơna khom hơmâo hơdră pơsir tơlơi tơnap tap brơi kơ anom bruă tŭ mă man pơdong, pơkra ming samơ̆ bơbeč djơ̆ yua nua gơnam man pơdong đĭ na nao kah hăng ră anai.

Nay Jek: Pơblang