VOV4.Jarai - Tlam lơ 20/1, Kơ-iăng khua dêh čar ơi Phạm Bình Minh, Khua Jơnum min rơnuk rơnua jơlan nao rai dêh čar hơmâo nao čuă hăng ngă bruă tom Anom bruă tơhan pôlih wai lăng jơlan, Ding jum kông an. Thun laih rơgao, amăng hrơi mông hơmâo lu tơlơi tơnap, tơlơi lông, samơ̆ tơhan pôlih wai lăng jơlan nao rai hơmâo ngă truh kih djŏp bruă hơmâo jao. Tơlơi truh rơbuh rơbeč ƀơi jơlan amăng thun laih rơgao tơdu trun mơn amăng 3 tơlơi pơkă kơ mrô tơlơi truh, mrô mơnuih djai, mrô mơnuih rơka rơkač pơhmu hăng thun 2020. Amăng thun tơhan pôlih wai lăng jơlan hơmâo ngă hră bơtơhmal 2 klăk 900 rơbâo čô mơnuih ngă soh, phak prăk giăm 3 rơbâo klai. Pơhiăp ƀơi mông ngă bruă, Kơ-iăng khua dêh čar ơi Phạm Bình Minh pơtă hlâo amăng hrơi tê̆t pơ anăp, tơhan wai lăng jơlan kiăng dưm dăp mơnuih mă bruă hyu tir, wai lăng, bơtơhmal mơtăm ƀing ngă soh, ba truh tơlơi rơbuh rơbeč pơjrom pơklă rơdêh.

Siu H’Mai: Pơblang