Dua gơñu hmâo lăi pơthâo nao rai laih hăng tŭ ư hrŏm kĭ pơkôl Kơčăo bruă abih bang pơđĭ kyar gum hrŏm Việt Nam - Nga truh thun 2030, ăt kah hăng glông bruă ngă tui amăng hơdôm bruă kah hăng măi mok, bruă đang hmua, sĭ mơdrô, bruă ia jrao...; hơdôm tơlơi pơkă bơdjơ̆ nao gum hrŏm kơ ia jâo ayuh hăng sa dua gơnong bruă apui yua mơ̆ng hlâo; glông bruă gum hrŏm hăng bruă đang hmua; pok pơhai rơwang bruă pơkra sang hră pơtô pơhrăm Nga ƀơi Hà Nội.

Kơ-iăng Khua dêh čar ơi Trần Hồng Hà rơkâo dua bơnah djă pioh dong hơdră lăi pơhing, lăi pơthâo nao rai tañ, hmao tlôn pioh pơsir hơdôm tơlơi gun phrâo hmâo lơm pok pơhai hơdôm jơlan hơdră, rơwang bruă gum hrŏm, kơsem min hơdră ngă juăt tui jơlan gah kĭ pơkôl hră pơ-ar pơkôl gum hrŏm pơlir dua gong gai pioh kơ sa dua bruă yôm phăn, đing nao hlâo./.