Kiăng pok pơhai ba glăi tŭ yua bruă dưm dăp man pơdong amăng kual hơmâo Khua dêh čar tŭ yap, diop ding jum, gơnong bruă, gong gai ƀon lan bơdjơ̆ nao lăi pơthâo tong ten brơi abih bang mơnuih ƀôn sang, anom bơwih ƀong sĭ mơdrô amăng lŏn ia hăng pơ tač rơngiao kiăng pơhưč tuh pơ alin mut hrŏm mơng djop bơnah bơdjơ̆ nao kiăng ba glăi tơlơi tŭ yua prong hloh.

Đĭ pơhiăp amăng mông jơnum, Kơ-iăng khua dêh čar ơi Trần Hồng Hà, Khua khul git gai gum hrŏm kual pơsit tong, bruă dưm dăp man pơdong amăng kual Kơdư tong krah hăng ter hang ia rơsĭ kual Tong krah rơwang thun 2021-2030, anăp nao truh thun 2050 pơdah djơ̆ tơlơi pơmĭn, tơlơi yak nao, hơnong pơkă pơđĭ kyar akŏ phun, pơplih phrâo. Bruă dưm dăp man pơdong anai pok rai tơlơi anăp nao hăng tơlơi gal amăng pơđĭ kyar phrâo, pơtrut, ba glăi rơnoh yôm phrâo amăng pơđĭ kyar bơwih ƀong huă-mơnuih mơnam amăng kual Kơdư tong krah hăng ter hang ia rơsĭ kual Tong krah pơ anăp anai.