Dua bơnah tŭ ư ăt ngă kjăp tui tơlơi rô nao rai gru grua giăng mah mơak, kơtưn hloh bruă brơi grup khua mua djop gưl čuă jơmư trư găn, boh nik khua mua pơprong. Dua čô khua lăi lĕ, dua bơnah dŏ lu tơlơi gêh găl pioh pơtrut ngă hrŏm amăng bruă sĭ mơdrô, tuh pơ alin, bruă ngă hmua....; tŭ ư kơtưn pơtruh nao rai anom bruă sĭ mơdrô, ngă hrom pơphun lu bruă mă sĭ mơdrô, tuh pơ alin mơ̆ng rĭm boh dêh čar pơ anăp anai, ngă gêh găl kơ djop mơta gơnam sĭ mơdrô hơmâo anŏ gêh găl kah hăng boh troh đang hmua, braih pơdai, gơnam tơčoh eng ao, hơbâo pruai ba sĭ mơdrô ƀơi dêh čả tơdruă; pơtrut pơsur hăng ngă gêh găl kơ anom bruă sĭ mơdrô dua bơnah pơtruh nao rai, ngă hrŏm tuh pơ alin amăng hơdôm kơčăo bruă pơprong mơ̆ng dua bơnah.

Kiăng pok pơhai tŭ yua hơdôm bruă ngă anun, dua bơnah tŭ ư prăp lui klă hăng tañ pơphun jơnum lok 6 Jơnum min ngă hrŏm Việt Nam-Êjip; pơtrut ngă giong hră pơkôl djơ̆ tơlơi phiăn brơi kơ bruă ngă hrŏm lu mơta dua bơnah.