Giăm 8 blan rơgao, dêh čar ta hơmâo 1 rơbâo 753 wơ̆t tơlơi truh, lŏn adai ngă, ngă djai hăng rơka 450 čô mơnuih; 1 rơbâo 176 ha glai rưng apui ƀong; ngă tơpok rơbêh 9 rơbâo boh sang dŏ; ngă răm rai rơbêh 45 rơbâo ha hmua pơdai hăng hơbơi pơtơi...Pơgang hăng pơsir hĭ tơlơi truh lŏn adai ngă, hơmâo iâu pơthưr rơbêh 53 rơbâo wơ̆t čô mơnuih hăng 3 rơbâo 633 wơ̆t rơdêh nao djru. Pơtŏng glăi mông jơnum brơi ƀuh, mah bruă pôr pơhing hơmâo lăng ba, samơ̆ tơlơi pơmin mơ̆ng hơdôm gơnong bruă hăng mơnuih ƀôn sang dŏ tơdu, aka ƀu kơđiăng ôh; tơlơi răm rai yua tơlơi truh lŏn adai ngă, biă ñu mrô mơnuih ƀôn sang djai lơ̆m hơmâo tơlơi truh ia dăo, lŏn tơhlŏm...

Pơđut mông jơnum, Kơ-iăng khua dêh čar ơi Trần Lưu Quang tŭ ư hăng 12 bruă yôm phun. Kơ-iăng khua dêh čar lăi rơđah, tơlơi truh lŏn adai ngă mơ̆ng anai truh kơ rơnuč thun ƀu thâo hlâo ôh, khŏm kơđiăng hloh kơ tơlơi truh lŏn adai ngă, hơdôm ding jum hăng tơring čar khŏm lăng glăi abih bruă kiăng ngă mơ̆ng ƀing gơñu đah mơ̆ng pơhrua nao lăp djơ̆ hăng tơlơi kiăng pơgang tơlơi truh lŏn adai ngă.