Tơlơi jơnum anai, yôm biă mă hơdor glăi tal 50 thun hrơi akŏ pơjing bruă pơtom hiăp Việt Nam-Japan, pok blung kơ lu bruă mă pioh kơ sang bruă bơwih ƀong sĭ mơdrô dua boh dêh čar bưp nao rai yua kơ anom bruă VCCI ngă hrom gah dêh čar Japan amra pơphun amăng thun anai.

Pơhiăp ƀơi mông jơnum, Kơ-iăng khua dêh čar ơi Trần Lưu Quang lăi, dua boh dêh čar dŏ lu tơlơi gêh găl pioh ngă hrom, djru nao rai, anăp nao hơdor glăi 50 thun akŏ pơjing bruă pơtom hiăp, dua bơnah amra ngă hrom gum pran jua kiăng ba glăi lu boh tơhnal prong hloh amăng tơlơi bơwih ƀong huă. Thun blan pơ anăp, dua boh dêh čar Việt Nam-Japan ăt pơtrut ngă hrom tuh pơ alin, boh nik ñu amăng bruă tuh tia pơkra ming phun.