Pơhiăp đĭ ƀơi mông jơnum, Khua Gong phun jua pơhiăp Việt Nam, ơi Đỗ Tiến Sĩ lăi rơđah, amăng bruă pơđĭ kyar VOV, gong phun jua pơhiăp Việt Nam, anom bruă pôr tơlơi pơhing phun kơ dêh čar, hơmâo 7 plang pơtui jua pơhiăp, 17 plang pơdah rup, hră pơhing phrâo hăng plang tơlơi pơhing internet juăt lăi plang tơlơi pơhing điện tử, Gong phun jua pơhiăp Việt Nam lĕ sang bruă pôr tơlơi pơhing hăng lu mơta hơdră pơtui jua pơhiăp pôr amăng brô̆, pơdah rup amăng tivi hăng lu atur ia rơgơi mrô. Ƀơi mông jơnum, Kơ-iăng Khua dêh čar ơi Trần Lưu Quang lăi rơđah, hơdor glăi tal 99 thun hrơi hră pơhing phrâo Việt Nam jing sa bruă mă yôm lăp hơdor pioh kơ abih bang ƀing čih tơlơi pơhing phrâo, yua kơ anun khom glăm ba, gơgrong phun kơ bruă akŏ pơdong hăng pơđĭ kyar bruă čih tơlơi pơhing, pôr pơthâo tơlơi hơkrŭ.
Tui hăng bruă pơkă hnong hră pơhing phrâo, djop anom bruă čih tơlơi pơhing hlăk amăng rơnuk pơblih phrâo, kiăng yak nao hăng hnuang rơbat tong ten kơđiăng biă mă. Rơngiao kơ anŏ glăm ba gơgrong phun mơ̆ng Kơnuk kơna, djop anom bruă čih hră pơhing phrâo khom găn rơgao mă tơlơi tơnap tap, lông lăng. Pơpŭ hăng bơni hơ-ơč kơ anom bruă pôr tơlơi pơhing kiăng ngă bruă hruaih na nao, rơđah rơđong tong ten, bă hăng tơlơi kơtang amăng pran jua pioh yak nao ƀơi jơlan pơ anăp adih dŏ lu tơlơi tơnap kah hăng tơpoh thô, drơi hơda hñueng hŭi rơhyưt gah anăp.
Viết bình luận