Kơ-iăng khua dêh čar ơi Trần Lưu Quang tŭ yap hăng lăng yôm pran gơgrong mơng khua mua Ping gah, Jơnum min mơnuih ƀon sang tơring čar Lâm Đồng lơm hmao tlôn git gai ling tơhan hăng ba nao rơdêh, măi mok tañ djru brơi kơ bruă hyu ĕp hăng ba đuăi mơnuih lŏn dor; laih dong, pơpŭ bơni hơdôm anom bruă hơmâo găn rơgao tơnap tap pok pơhai amăng bruă hyu ĕp, rơmet pơagaih ƀơi anih lŏn tơhlŏm. Kơ-iăng khua dêh čar ơi Trần Lưu Quang ăt rơkâo bruă djru mơnuih, čuk pơdŭ đuăi lŏn kiăng pơphun tañ hloh samơ̆ ăt pơhlôm rơnuk rơnua brơi kơ ƀing mơnuih djru bruă.

Amăng mông mă bruă, Kơ-iăng khua dêh čar rơkâo tơring čar Lâm Đồng anăm brơi hơmâo tơlơi truh sat bơkơnar dong tah. Ƀrô tal anai, kơ-iăng khua dêh čar ơi Trần Lưu Quang hơmâo nao čuă, pơ alum pran jua sang anŏ Thượng úy Lê Ánh Sáng (dŏ ƀơi phường 2, plơi prong Bảo Lộc) sa amăng 3 čô tơhan pôlih wai lăng jơlan djai amăng tal lŏn tơhlŏm anai lơm ñu glăk dŏ mă bruă.