Hrơi anai (6/6), Bơkơtuai bruă bơwih ƀong Jar kơmar St.Peterburg (Nga) tal 27 truh hrơi bơkơtuai tal 2. Mông pok pơphun bơkơtuai sit nik pơphun amăng hrơi anai. Kơ-iăng Khua dêh čar ta ơi Trần Lưu Quang ba jơlan hlâo grŭp khua pơ ala Việt Nam nao pơhmư̆ hăng pơhiăp amăng mông jơnum pok phun. Hăng anăn phun ñu “Anô̆ pioh yua mơ̆ng jơlan lu bơnah – pơjing hơdôm anih đĭ kyar phrâo”, amăng rơwang bơkơtuai, hơdôm tơlơi gum hrŏm jar kơmar hăng bruă kơđi čar đơ đam rŏng lŏn tơnah tui phiăn juăt amra dưi bơkơtuai prong.

Bruă bơkơtuai amra lăi pơthâo hơdôm gơnam mă yua sit nik pioh sĭ mơdrô nao rai gơnam tam ba glăi bôh tơhnal hăng pơđĭ kyar hơdôm bôh anom bơwih ƀong găp ƀrô hăng anet. Rơngiao kơ anun, ƀơi mông bơkơtuai hmâo hơdôm tơlơi lăi pơthâo kơ hơdôm bruă djru kơ mơnuih bơwih ƀong, hơdôm tơlơi ba tơbiă tuh pơplai hăng hơdôm hơdră sit truh kih. Bruă bơkơtuai hăng tơlơi gum hrŏm mơ̆ng lu khua mua gưl dlông hơdôm bôh dêh čar, khua mua hơdôm anom bơwih ƀong hăng khul kơsem min bôh thâo phrâo, mơnuih pơ ala kơ hơdôm bôh anom bơwih ƀong găp ƀrô hăng anet hrŏm hăng 18.600 čô mơnuih pơ ala rai mơ̆ng 139 bôh dêh čar hăng kual lŏn ƀơi rŏng lŏn tơnah./.