Mơng pel ĕp brơi ƀuh, Kơ-iăng khua dêh čar rơkâo khua mua tơring čar Điện Biên, djop gơnong bruă bơdjơ̆ nao hăng ling tơhan amăng tơring čar pơtrut tañ ƀiă bruă rŭ pơdong hĭ anŏ răm rai, prap lui anih dŏ phrâo, hơđong tơlơi hơdip kơ mơnuih ƀôn sang ƀơi kual ia kor, lŏn tơhroh; pơtrut tañ bruă pơtô pơblang hăng gir run ba đuăi hơdôm boh sang anŏ glăk dŏ ƀơi anih amra ƀuh lŏn tơhroh kiăng pơhlôm rơnuk rơnua bruă ană mơnuih hăng huăi răm rai gơnam tam.

Tơdơi kơ ƀuh ia ling dăo, kiăng kơtưn amăng bruă ia jrao, kiăng bơwih brơi tơlơi suaih pral kơ mơnuih ƀôn sang, sit biă ñu hăng ƀing tha rơma hăng čơđai. Kơ-iăng khua dêh čar rơkâo Jơnum min mơnuih ƀôn sang tơring glông Điện Biên gum djru, rŭ pơdong glăi hơdôm anih răm rai đơ đam đang hmua pla pơjing, djru pơplih phun pla kiăng mơnuih ƀôn sang dưi hơđong pơđĭ kyar bơwih ƀong huă.