Anai lĕ grŭp khua pơ ala mơnuih ƀôn sang kual Mi Kô̆ tal 3 rai čuă dêh čar Việt Nam yap mơ̆ng akô̆ thun truh ră anai, pơdah tơlơi lăng yôm mơng Khul pơlir hơbit kual Mi Kô̆ pioh kơ bruă kơtưn đĭ tơlơi rô nao rai gum hrŏm lu mơta hăng Việt Nam.

Amăng mông tŭ jum, Kơ-iăng Khua dêh čar ta ơi Trần Lưu Quang pơtŏng sit, Việt Nam lăng yôm biă hăng čang rơmang pơtrut bruă gum hrŏm amăng lu bruă, biă ñu hơdôm bruă glăk hmâo jơlan gah hrŏm mơ̆ng rŏng lŏn tơnah hăng EU hmâo pran kơtang kah hăng pơđĭ kyar mơtah, pơđĭ kyar kơjăp, apui yua pơkra glăi, bŏng glăi hăng pơplih ayuh hyiăng..., mơ̆ng anun djru pơtrut tơlơi gum hrŏm hăng gum hrŏm abih bang Việt Nam hăng EU pơđĭ kyar jai hrơi dơlăm hloh, sit nik hloh. Kơ-iăng Khua dêh čar ta rơkâo Jơnum min apăn bruă kual Mi Kô̆ tañ pơtlaih brơi tơlơi gun kơ gơnam akan hơdang Việt Nam hluai tui tơhnal pơsit klă kơ hơdôm tơlơi gir run klă hăng sit nik mơ̆ng Việt Nam amăng bruă pơgăn mă akan hơdang ƀu djơ̆ phiăn pơkă./.