VOV4.Jarai - Mơguah lơ 21/1, Kơ-iăng khua dêh čar ơi Vũ Đức Đam hrŏm hăng grup khua mua nao čuă, juh alum hăng brơi gơnam kơ mơnuih mut phung mă bruă, mơnuih mă bruă tơnap tap, mơnuih hơmâo tơlơi ruă kơtang, mơnuih sui laih ƀu hơmâo glăi ƀong tê̆t pơ sang, mơnuih bơbeč yua klin Covid-19 ngă ƀơi tơring čar Thừa Thiên Huế ƀrô hrơi Tê̆t Nhâm Dần. Kơ-iăng khua dêh čar ơi Vũ Đức Đam hăng ƀing khua pơ ala brơi Khul pơlir hơbit mơnuih mă bruă Việt Nam hơmâo brơi 200 anung gơnam, rim anung hơmâo nua 1.250.000 prăk, hơmâo 1 kơdung nua ñu 250.000 prăk hăng 1 klăk prăk mơta. Ăt amăng mơguah lơ 21/1 mơn, Kơ-iăng khua dêh čar Vũ Đức Đam nao čuă ƀing glăk dŏ pơjrao pơ sang ia jrao Lao kơsô̆ tơring čar Thừa Thiên Huế ƀơi phường Hưong Sơ, plơi prong Huế. Ƀơi anai, Kơ-iăng khua dêh čar ta hơ-ơč hmưi tê̆t hăng lăi nao tơlơi tơnap tap mơng ƀing ơi ia jrao hăng mơnuih ruă; laih dong kiăng ƀing ơi ia jrao gir amăng bruă pơjrao mơnuih ruă.

Siu H’Mai: Pơblang