Ƀơi mông jơnum, ƀing khua mua pơtum nao pơčrông sai hơdôm tơlơi : Pơđĭ kyar hơđong kjăp hăng pơđĭ tui rơnoh yôm Việt Nam amăng ruăi rơnoh yôm rŏng lŏn tơnah; pơtrut nao rai hơdră pơjing rai gơnam sĭ mơdrô, bơwih bơwăng tui ia rơgơi mrô anăn Make in Viet Nam amăng dêh čar hăng tač rơngiao; hơdră pơđĭ kyar anom bruă sĭ mơdrô tui mrô, rơkâo đĭ hơdră pơsir tơdah hơmâo hơgĕt lơ̆m pơđĭ kyar anom bruă sĭ mơdrô tui boh thâo mrô ƀơi Việt Nam, hơduah ĕp tơlơi gêh găl ăt kah hăng anăp pok pơhai anom sĭ mơdrô pơ dêh čar tač rơngiao.

Pơhiăp ƀơi mông jơnum, ơi Vũ Đức Đam Kơ-iăng khua dêh čar lăi pơtong, thun blan pơ anăp anai, djop anom bruă sĭ mơdrô dêh čar Việt Nam kiăng pơtruh brơi hăng khul mơnuih djru ba, pơčrâo brơi, gum pơgôp pran jua kơtang, hrom hơbit mă bruă khin hơtai hloh, anăp nao pơ anih sĭ mơdrô dêh čar tač rơngiao hăng pran jua đăo kơnang kjăp.