VOV4.Jarai-Tŭ ư tơlơi jak iâu mơ̆ng Kơ-iăng Khua čih pioh Sang gum hơbit djop dêh čar, ngă rah khua čih pioh git gai Jơnum min bơwih ƀong huă-Mơnuih mơnam amăng kual ASIA-Thái Bình Dương mơ̆ng Sang gum hơbit djop dêh čar, iâu klah čun ESCAP, mơ̆ng lơ 22 truh lơ 23/5, Kơ-iăng Khua dêh čar ơi Vũ Đức Đam amra nao jơnum hrom tal 78 mơ̆ng ESCAP ƀơi Bangkok, Thai Lan.

Hăng akŏ tơlơi jơnum “Sa hơdră jơnum bơkơtuai hrom kiăng pơtrut pơđĭ kyar hơđong kjăp ƀơi kual ASIA-Thái Bình Dương” dưi pơphun ƀrô djơ̆ tal hơdor glăi 75 thun akŏ pơjing ESCAP thun 1947-2022, mông gêh găl lăng glăi boh tơhnal mơ̆ ESCAP tŭ mă amăng bruă pơtrut tơlơi bơwih ƀong huă mơnuih mơnam amăng kual ASIA-Thái Bình Dương, ăt kah hăng hơdôm tơlơi lông lăng ră anai laih anun dăp bruă pơ anăp adih, hơdră rŭ glăi hăng pơđĭ kyar bơwih ƀong huă mơnuih mơnam amăng kual kơñ pơgi.

Nay Jek: Pơblang