VOV4.Jarai - Ƀrô hrơi Jơnum prong Phật đản Phật lịch 2566, thun 2022, lơ 11/5, Ding kơna Ding jum kơđi čar, Kơ-iăng khua dêh čar ơi Phạm Bình Minh nao čuă, bơni hơ-ơč kơ Khul đăo phơ̆t Việt Nam hăng ƀing ơi phơ̆t, yă yơng. Bơni hơ-ơč kơ Khul đăo phơ̆t Việt Nam hrŏm hăng ƀing tui đăo, ơi phơ̆t yă yơng čơkă bơyan Phật đản rơnuk rơnua, mơ-ak mơ-ai, Kơ-iăng khua dêh čar Phạm Bình Minh lăi, Jơnum prong Phật đản jing hrơi mông ƀing ơi phơ̆t yă yơng, mơnuih tui tơlơi đăo ăt kah hăng mơnuih ƀon sang anăp nao Ơi phơ̆t Thích ca mâu ni, ăt kah hăng tơlơi hơdip djơ̆ tơlơi đăo anun lĕ thâo pap, thâo khăp, thâo ƀu-eng, gah tơlơi đăo iâu "Từ bi, hỷ xả, chân, thiện, mỹ".  Lăi pơtŏng, thun 2022 jing thun yôm biă hăng khul đăo phơ̆t Việt Nam hăng bruă Jơnum ruah khua wai lăng khul đăo phơ̆t Việt Nam tal 9, Kơ-iăng khua dêh čar đăo gơnang Khul đăo phơ̆t Việt Nam amra pơphun truh kih mông Jơnum tui tơlơi pơmin “Tơlơi phiăn gah tơlơi đăo - Djuai ania - Chủ nghiã xã hội”.

Siu H’Mai: Pơblang