Tơdơi kơ hmư̆ tơlơi gum pơhiăp rơkâo đĭ mơ̆ng Ding jum gơgrong bruă gong gai dêh čar hăng hơdôm ding jum, gơnong bruă  bơdjơ̆ nao, klah čun mông mă bruă, Kơ-iăng Khua dêh čar ta ơi Nguyễn Hòa Bình pơtŏng sit Ding jum gơgrong bruă gong gai dêh čar hmâo bruă mă yôm phăn, gơgrong hơdôm glông bruă, tơlơi pơkă gah kơnuk kơna, ană mơnuih, phun  bruă čar... lĕ hơdôm bruă bơdjơ̆ nao kơjăp bruă mă mơ̆ng kơnuk kơna, bơdjơ̆ nao truh lu jơlan hơdră prong mơ̆ng Ping gah.

Kơ-iăng Khua dêh čar ta rơkâo Ding jum gơgrong bruă gong gai dêh čar đing nao ngă giong Akô̆ bruă klah čun 20 thun ngă tui hơdră pơphun bruă mơ̆ng Gong gai ngă gru than pơjing Akô̆ bruă dăp hơdră pok phun bruă Gong gai dêh čar tal 16 rơwang bruă 2026-2031./.