Tơlơi lăi pơthâo glăi amăng mông mă bruă, Khua Jơnum min djuai ania ơi Hầu A Lềnh brơi thâo, bruă djuai ania hăng ngă tui hơdră bruă djuai ania hơdôm hrơi rơgao hmâo laih lu bôh than yôm phăn gah bruă kơđi čar, bơwih ƀong, bôh thâo đưm, mơnuih mơnam, pơgang lŏn ia, rơnuk rơnua plơi pla, pơtom hiăp; iâo pơhrui hmâo pran kơtang gum hrŏm hơbit djop djuai ania gum hơgôp kơ tơlơi pơdŏng hăng pơgang lŏn ia.

Klah čun mông mă bruă, Kơ-iăng Khua dêh čar ơi Nguyễn Hòa Bình rơkâo pơ̆ anăp anai Jơnum min djuai ania gum hrŏm kơjăp hăng hơdôm ding jum, gơnong bruă bơdjơ̆ nao khom pok pơhai tañ, hmao tlôn hơdôm akô̆ bruă hơdră bruă gum djru kơ kual neh wa djuai ania ƀiă hăng kual čư̆ siăng. Khom ngă amuñ hơdôm mơta hră pơ-ar kiăng amuñ ngă tui, amuñ mă yua amăng pok pơhai hơdôm akô̆ bruă, jơlan hơdră. Amăng pơpha ngăn rơnoh kơ hơdôm rơwang bruă, kiăng hmâo tơlơi lăng ba lăp djơ̆ hăng kual djuai ania ƀiă hăng čư̆ siăng./.