Tơlơi lăi pơthâo amăng mông mă bruă, Kơ-iăng Khua Ding jum kơsem min bôh thâo phrâo hăng hơdră phrâo măi mok ơi Lê Xuân Định brơi thâo, truh mông anai, Tơlơi phiăn kơ bruă Kơsem min bôh thâo phrâo hăng pơplih phrâo pơčeh phrâo čih pơkra ƀiă giong laih hăng 8 mơta tơlơi phiăn kơ bruă mă.

Ding jum hmâo čih pơkra, lăi pơthâo kơ Khua dêh čar mă yua Bruă pơđĭ kyar bôh thâo kơsem min hơdră phrâo măi mok hăng pơplih phrâo pơčeh phrâo truh thun 2030 hăng tơhnal pơkă ba tơbiă bôh thâo kơsem min hơdră phrâo hăng pơplih phrâo pơčeh phrâo sit nik jing pran pơtrut pơđĭ kyar. Amăng mông mă bruă, Kơ-iăng Khua dêh čar ơi Trần Lưu Quang tŭ ư khom hmâo sa hơdră pơkă pha ra kơ bruă kơsem min hơdră phrâo hăng hơdôm mơnuih kơsem min hơdră phrâo, lăi rơđah khom čih pơkra giong tơlơi phiăn pioh kơ bruă wai lăng kơnuk kơna hăng pơđĭ kyar bôh thâo kơsem min hơdră phrâo. Pơlar hăng mă yua kơtang Bôh thâo kơsem min hơdră phrâo hăng pơplih phrâo pơčeh phrâo pioh pơjing pran pơplih phrâo pơđĭ bôh tơhnal bruă mă, pran bơkơtưn amăng bơwih ƀong./.