Ƀơi mông jơnum, ƀing khua hơmâo pơgôp hơdôm tơlơi bơdjơ̆ nao: Anom bruă dưi juă nua gơgrong blơi gơnam, phun tơhnal či pơkă nua; pơtŏng glăi hăng pơsit tơlơi pơhing bơdjơ̆ nao ia jrao, gơnam yua ia jrao, hoá chất, gơnam pioh pơčang drah; lăi pơthâo tơlơi pơhing hăng mă prăk lăi pơthâo kơ bruă jak iâu hơdôm anom bruă juă nua gơgrong blơi gơnam.

Pơhiăp ƀơi mông jơnum, Kơ-iăng khua dêh čar Trần Hồng Hà kiăng Ding jum ia jrao ngă hrŏm hăng Ding jum man pơphô hăng tuh pơ alin čih pơkra rơnoh pơkă tơpă sit, djơ̆ tơlơi phiăn mơng nua pơkă či ba juă nua. Amăng anun, yôm hloh lĕ Khua mua mơ̆ng sang ia jrao khŏm pơsit glăi tơlơi kiăng boh thâo kĭ thuâ̆t, anŏ klă, tŭ yua bơwih ƀong mơ̆ng ia jrao, gơnam yua ia jrao, ngă phun tơhnal či ruah rơnoh prăk ba juă nua./.