Pơkă kual tơring čar Bình Thuận rơwang 2021-2030, tơhnal lăng nao truh thun 2050 hmâo Khua dêh čar ta pơsit lĕ gru than, phun ñu, pran pơtrut yôm phăn amăng pơđĭ kyar bơwih ƀong – mơnuih mơnam, anăp nao tơhnal pơkă Bình Thuận jing tơring čar pơđĭ kyar hur har, tañ hăng kơjăp.

Pơhiăp amăng mông ngă lơphet, Kơ-iăng Khua dêh čar ta Trần Hồng Hà lăi rơđah: Bruă lăi pơthâo djop, dơlăm Tơlơi pơtrun pơsit mrô 06 mơ̆ng Ding jum kơđi čar kơ pơkă kual, pơdŏng wai lăng hăng pơđĭ kyar kơjăp plơi prong Việt Nam truh thun 2030 tơhnal lăng nao truh thun 2045 jing yôm phăn biă. Yua kơ pơkă kual tơring čar Bình Thuận phrâo hmâo tơhnal pơsit jơlan gah đôč. Kiăng hmâo sa bô̆ mơta hăng pơsit djop tum hơdôm tơhnal hmâo thơ, yôm phăn lĕ tơring čar khom ngă tui Tơlơi pơtrun pơsit mrô 06, lăng pơđĭ kyar plơi prong lĕ sa amăng hơdôm jơlan pơsir, tơhnal pơkă, pran pơtrut pioh pơkĕ plơi prong hăng bơwih ƀong plơi prong pioh pơđĭ kyar tơring čar./.