Ƀơi anih pơkra jơlan, Kơ-iăng Khua dêh čar Trần Hồng Hà djă pioh tơlơi gir run, bruă gơgrong hăng hơdôm bôh tơhnal dưi ngă mơ̆ng hơdôm ding jum, gơnong bruă, ƀirô, pô tuh pơplai, grŭp wai lăng rơwang bruă, pô gơgrong man pơkra hăng khul mơnuih apăn bruă, mơnuih mă bruă amăng pok pơhai hơdôm rơwang bruă.

Kơ-iăng Khua dêh čar rơkâo hơdôm tơring čar, pô tuh pơplai, anom man pơkra, lăi pơthâo lăng tui... pok pơhai tơpă dong, ba glăi bôh tơhnal hơdôm tơlơi črâo ba mơ̆ng Khua dêh čar hăng hơdôm rơwang bruă jơlan đuăi hmar Diễn Châu – Bãi Vọt hăng jơlan hrĕ apui 500kV Quảng Trạch – Quỳnh Lưu pơhlôm rơnoh bruă pơkă, kơjăp. Pơkă hlâo tơdơi hyu pel ĕp, Kơ-iăng Khua dêh čar amra git gai bruă jơnum hăng hơdôm ding jum, gơnong bruă, ƀirô, anom man pơkra, tơring čar bơdjơ̆ nao kơ bruă pok pơhai 2 rơwang bruă phun lăi ƀơi ngŏ anai kiăng pơsir dong hơdôm tơlơi tơnap, tơlơi gun hăng pơsir hơdôm tơlơi ba tơbiă, rơkâo đĭ./.