Kơ-iăng Khua dêh čar yă Phạm Thị Thanh Trà, Khua khul git gai dêh čar kơ bruă hyu ĕp, klơi pơƀut hăng ĕp brơi anăn krăn pô tơlang tơhan, nao hơ-ŭ hơdor hăng atông hơgor pơpŭ hơdor bơngăt atâo tơhan. Amăng mông hơ-ŭ hơdor yôm anun, ƀing khua mua, ƀing apăn bruă, ling tơhan hăng mơnuih ƀôn sang djop djuai ania tơring čar Lào Cai pioh mông pioh hơdor, tŭi ñang, dưm guang bơnga hơdor kơ tơhan djai pơsăn drơi.

Anai lĕ boh than tơdơi kơ 4 blan ngă tui hơdră bruă 500 hrơi mlăm pơtrut tañ bruă hyu ĕp, klơi pơƀut hăng ĕp brơi anăn krăn pô tơhan djai pơsăn drơi. Grup hyu ĕp mơng Anom bruă git gai ling tơhan tơring čar Lào Cai hơmâo pel ĕp glăi hơdôm rơbâo ektar, hyu ĕp hăng klơi pơƀut 71 per tơlang tơhan, amăng anun ĕp brơi anăn krăn pô 2 per tơlang tơhan anun lĕ Lý A Tở hăng Triệu Văn Mão.