VOV4.Jarai-Thượng tướng ơi Trần Quang Phương, ding kơna apăn bruă ping gah dêh čar, Kơ-iăng Khua git gai pơ ala mơnuih ƀôn sang dêh čar nao čuă hăng mă bruă hrom khua mua group tuh tia pơkra ming-dăng kông ling tơhan Viettel. Bơni kơ boh tơhnal Viettel dưi ngă thun blan rơgao, Thượng tướng ơi Trần Quang Phương, Kơ-iăng Khua git gai pơ ala mơnuih ƀôn sang dêh car čih pioh hơdôm tơlơi gir run, bruă mă mơ̆ng Vittel amăng bruă pơkra ming gơnam sĭ mơdrô hăng pơgang hơđong dêh čar.

Amăng bruă mă gah ling tơhan, Viettel hơmâo kơsem min bruă pơkra ming tŭ yua gơnam yua kơ ling tơhan tui boh thâo ia rơgơi, djru hrom ngă tui boh thâo phrâo ia rơgơi amăng bruă ling tơhan. Lăng yôm bruă tuh pơ alin pơ dêh čar tač rơngiao mơ̆ng Viettel, ơi Trần Quang Phương lăi lĕ, bruă ngă anai ƀu kơnong pơgôp hrom pơđĭ kyar bơwih ƀong huă đôč ôh, dŏ pơdah thâo rup rap ană mơnuih lŏn ia Việt Nam ta phrâo hloh, pôr pơthâo ia rơgơi tơlơi kơhnâo mơ̆ng Viettel truh hăng gơyut gơyâo jar kmar. Boh tŭ yua tuh pơ alin pơ dêh čar tač rơngiao mơ̆ng Viettel ăt djru hrom hiam klă amăng bruă pơgang lŏn ia mơ̆ng ataih.

Nay Jek: Pơblang