Amăng mông pơphun prap lui, Kơ-iăng Khua git gai pơ ala mơnuih ƀôn sang dêh čar Đỗ Văn Chiến hăng ƀing khua mua hơmâo tŭ yap djop jơlan hơdră hăng pel ĕp glăi djop boh tơhnal pơphun amăng mông ngă lơphet. Tơdơi kơ hmư̆ tơlơi pơgôp hiăp kơ boh tơhnal jơlan hơdră mơng ƀing khua mua, kơ-iăng Khua git gai pơ ala mơnuih ƀôn sang dêh čar ơi Đỗ Văn Chiến hơmâo tŭ yap hơdôm anom bruă hơmâo ngă tui pran gơgrong, gir run ngă klă hloh hơdôm bruă prap lui pơphun tal ngă lơphet pioh hơdor.

Kơ-iăng Khua git gai pơ ala mơnuih ƀôn sang dêh čar ăt lăng glăi hăng pơgôp hiăp, git gai hơdôm anih anom kơ bruă pơphun, čơkă tuai, čơkă khua mua, jơlan hơdră ngă lơphet pioh hơdor, tol yol dưm dăp gơnam, pơhlôm hơđong. Tui tơlơi pơkă, tal ngă lơphet pioh hơdor 80 thun hrơi plĕ hră ruah khua mua blung a Khua pơ ala mơnuih ƀôn sang dêh čar Việt Nam amra pơphun yôm phăn amăng hrơi pơgi (6/1/2026) ƀơi Sang jơnum Diên Hồng, Ƀirô Khua pơ ala mơnuih ƀôn sang dêh čar, Gong phun jua pơhiăp dêh čar Việt Nam amra pơdah rup lăng ƀơi anăp mông ngă lơphet anai.