Amăng mông bưp, Khua tơring čar Sarath Abeykoon lăng yôm tal nao čuă mơng Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải hăng grup khua mua mơng Ƀirô Khua pơ ala mơnuih ƀôn sang dêh čar Việt Nam pơ tơring čar Trung, ba nao pran khăp pap giang mah kah hăng pok rai tơlơi dưi ngă hrŏm kơplah wah tơring čar Trung, dêh čar Sri Lanka hăng hơdôm boh ƀon lan Việt Nam. Kơ-iăng Khua git gai pơ ala mơnuih ƀôn sang dêh čar lăi pơtong, bruă pơlăi nao bruă gah đăo phơ̆t kơplah wah Việt Nam hăng Sri Lanka hơmâo sui laih.

Hăng bruă lăng yôm tơlơi rơnuk rơnua, hơdip hiam, đăp phơ̆t lĕ anih tô nao rai gah tơlơi đăo pơlir pran khăp pap hăng giang mah kơplah wah mơnuih ƀon sang Việt Nam hăng Sri Lanka. Brơi thâo, plơi prong Kandy lăi phara hăng tơring čar Trung, Sri Lanka hnun mơn hơmâo lu tơlơi dưi, tơlơi gal hăng hơmâo lu tơlơi bơkơnar hăng hơdôm boh ƀon lan kual Tong krah Việt Nam, kơ-iăng Khua git gai pơ ala mơnuih ƀôn sang dêh čar rơkâo Khua tơring čar đing nao pơtrut ngă hrŏm, kĭ tơlơi pơkôl akŏ pơjing tơlơi rô nao rai giang mah hăng hơdôm boh tơring čar kual Tong krah Việt Nam kiăng pơđĭ kyar bơwih ƀong huă, tuai čuă ngui hăng pơbưp nao rai mơnuih ƀôn sang.