VOV4.Jarai - Mơguah lơ 24/1, Thượng tướng Trần Quang Phương, Kơ-iăng Khua git gai pơ ala mơnuih ƀon sang dêh čar nao čuă, pơpŭ thun phrâo kơ ƀing mơnuih apăn bruă, ling tơhan hơdôm puih tơhan pơdong amăng tơring čar Bình Định, ƀing kông nhơn ƀơi hơdôm sang măi amăng tơring čar. Ƀơi tơring glông Tây Sơn, Kơ-iăng Khua git gai pơ ala mơnuih ƀon sang dêh čar Trần Quang Phương pơpŭ hơdôm tơlơi gir run mơ̆ Ping gah, ling tơhan hăng mơnuih ƀon sang ƀơi anai dưi ngă amăng thun blan laih rơgao.

Kơ-iăng Khua pơ ala mơnuih ƀon sang dêh čar Trần Quang Phương ƀơk gơnam brơi sang anŏ kơnuk kơna čem rông ba

Kơ-iăng Khua pơ ala mơnuih ƀon sang dêh čar rơkâo tơring čar tŏ tui pran gum pơgôp, ngă ha amăng plĕ hơdôm hơdră bruă kiăng pơđĭ kyar amăng tơring čar, pơhlôm tơlơi hơdip kơ mơnuih ƀon sang. Ƀrô tal ania, kơ-iăng Khua git gai pơ ala mơnuih ƀon sang dêh čar ơi Trần Quang Phương hơmâo nao čuă, pơ alum pran jua hăng ƀơk gơnam tết brơi 50 boh sang anŏ kơnuk kơna čem rông ba, sang anŏ ƀun rin ƀơi să Bình Thành, tơring glông Tây Sơn; nao čuă, pơpŭ thun phrâo hăng ƀơk 100 anung gơnam brơi kông nhơn kông ti TNHH čoh sum ao Able Việt Nam ƀơi sang măi Phú Tài; nao čuă hăng pơpŭ thun phrâo kơ Tơhan pôlih blah hơdeč - Ding jum kông ang.

Siu Đoan Pơblang