VOV4.Jarai - Tlam lơ 9/5, ơi Trần Thanh Mẫn, Ding kơna ding jum kơđi čar, Kơ-iăng khua git gai pơ ala mơnuih ƀon sang dêh čar nao pơ Sang anih jưh pơ ala dêh čar Cuba ƀơi Hà Nội mơyut yôk ơi Ricardo Alarcon de Quesada, Ding kơna hơđăp Ding jum kơđi čar, Khua hơđăp git gai pơ ala mơnuih ƀon sang Cuba (djai lơ 30/4/2022). Pơ ala kơ khua mua Ping gah, Kơnuk kơna, Khua mua pơ ala mơnuih ƀon sang hăng mơnuih ƀon sang Việt Nam, Kơ-iăng khua git gai pơ ala mơnuih ƀon sang dêh čar ơi Trần Thanh Mẫn čih anăn amăng hră nao mơyut atâo, dưm bơnga mơyut ơi Ricardo Alarcon de Quesada; hning rơngôt, ol kơdol ƀơi anăp tơlơi rơngiă mơng ơi Ricardo Alarcon de Quesada. Ơi Ricardo Alarcon de Quesada lĕ sa čô Khua hơmâo pran jua hiam, ƀu-eng biă mă kơ Việt Nam, hơmâo lu tơlơi gum pơgôp prong amăng bruă hơkrŭ, pơđĭ kyar hăng pok prong tơlơi rô nao rai ngă gơyut gơyâo, adơi ayong, ngă hrŏm yôm, đăo gơnang nao rai kơplah wah Việt Nam hăng Cuba.

Kơ-iăng khua git gai pơ ala mơnuih ƀon sang Trần Thanh Mẫn rơngôt lơ̆m čih anăn amăng hră mơyut jôk.

Siu H’Mai: Pơblang