VOV4.Jarai - Čơtlăm lơ 21/1, Kơ-iăng Khua git gai wai lăng pơ ala mơnuih ƀôn sang dêh čar Nguyễn Đức Hải hmâo nao čuă, hơ-ư̆č hmưi Tết ƀơi tơring čar Kontum. Mă bruă hăng khua tơring čar hăng Grŭp Khua pơ ala mơnuih ƀôn sang tơring čar Kontum, Kơ-iăng Khua git gai wai lăng pơ ala mơnuih ƀôn sang dêh čar Nguyễn Đức Hải čih djă pioh, bơni hơdôm gru rơđah hloh Kontum dưi ngă amăng tơlơi tơnap mơ̆ klin ruă Covid-19 ba truh.

Kơ-iăng Khua git gai wai lăng pơ ala mơnuih ƀôn sang dêh čar Nguyễn Đức Hải čuă, hơ-ư̆č hmưi Tết ƀơi tơring čar Kontum

Kơ-iăng Khua git gai wai lăng pơ ala mơnuih ƀôn sang dêh čar Nguyễn Đức Hải čang rơmang tơring čar Kontum yak truh thun phrâo ngă tui dong hơdôm nua yôm bôh thâo phiăn juăt; Tuh pơplai, mă yua klă hloh nua yôm kual pla akha jrao mơ̆ rơđah biă ñu lĕ phun sâm Ngọc Linh. Ƀrô djơ̆ tal anai, Kơ-iăng Khua git gai wai lăng pơ ala mơnuih ƀôn sang dêh čar Nguyễn Đức Hải hrom hăng Grŭp hyu mă bruă hmâo ƀơk kơ sang anô̆ ƀun rin, sang anô̆ gah hơdră bruă gum djru, hơdôm mơnuih hmâo arăng đăo gơnang amăng plơi pla 75 klăk prăk; ƀơk brơi kơ hơdôm bôh sang anô̆ tơnap tap hloh 500 klăk prăk: ƀơk 200 anung gơnam rim anung gơnam nua ñu 1 klăk prăk hăng 250 rơbâo prăk blơi gơnam kơ mơnuih amăng khul, mơnuih mă bruă hmâo tơlơi hơdip tơnap./.

Siu H’ Prăk: Pơblang