Lu mơnuih pơ ala kơ mơnuih ƀôn sang să Tịnh Khê, plơi prong Quảng Ngãi pơdah pran jua lu tơlơi bơngot kơ tơlơi sua mă lŏn, pơdŏng sang dô̆ ƀu djơ̆ phiăn pơkă, ngă soh tơlơi hơđong plơi prong; sa dua hơdră pơkă, hơdră bruă akă ƀu gal hmâo bơdjơ̆ nao bruă pơsir hơdôm tơlơi gum djru, hơdră bruă kơ mơnuih ƀôn sang.

Kơ-iăng Khua git gai wai lăng pơ ala mơnuih ƀôn sang dêh čar ta ơi Trần Quang Phương hmâo djă pioh lu tơlơi gum pơhiăp mơ̆ng mơnuih pơ ala kơ mơnuih ƀôn sang hăng rơkâo khua tơring čar Quảng Ngãi hăng hơdôm ƀirô juăt bruă đing nao pơsir hăng lăi glăi kơ mơnuih ƀôn sang. Hăng hơdôm tơlơi gum pơhiăp hmâo tơhnal lŏn ia, Grŭp Khua pơ ala mơnuih ƀôn sang djă pioh hăng amra hmâo tơlơi gum pơhiăp truh hăng hơdôm ding jum, gơnong bruă dêh čar. Bơdjơ̆ nao hơdôm tơlơi gun yua kơ Tơlơi phiăn lŏn drŏn phrâo mă yua, Kơ-iăng Khua git gai wai lăng pơ ala mơnuih ƀôn sang dêh čar ta ơi Trần Quang Phương lăi rơđah: “12 klăk tơlơi gum pơhiăp mơ̆ng mơnuih ƀôn sang kơ Tơlơi phiăn lŏn drŏn anai lơm prăp lui pel ĕp, mă tơlơi gum pơhiăp mơnuih ƀôn sang ñu yôm phăn biă, ră anai dưi pơtlaih hơdôm hơpă khom dô̆ tơguan tơlơi phiăn mă yua amăng tơlơi hơdip sui ƀiă kah mơ̆ng dưi lăi glăi./.