VOV4.Jarai - Ƀrô djơ̆ tal hơdor glăi 75 thun Hrơi pioh kơ ling tơhan rơka ruă – pơsăn drơi kơ lŏn ia, lơm lơ 25/7, Grŭp hyu mă bruă mơng Khua pơ ala mơnuih ƀôn sang yua kơ Thượng tướng Trần Quang Phương, Kơ-iăng Khua git gai wai lăng pơ ala mơnuih ƀôn sang ngă khua grŭp hmâo nao čuă, ƀơk gơnam tam kơ sa dua bôh sang anô̆ gah hơdră bruă, mơnuih djru ngă hơkrŭ đưm ƀơi Lâm Đồng.

Thương tướng Trần Quang Phương hăng grŭp hyu mă bruă nao čuă tơña bla Thiếu tướng Phạm Văn Kha

Ƀơi hơdôm anih nao čuă, Kơ-iăng Khua git gai wai lăng pơ ala mơnuih ƀôn sang dêh čar ta Trần Quang Phương hmâo tơña bla tơlơi suaih pral, tơlơi hơdip ƀing khua git gai hơđăp, sang anô̆ mơnuih djru ngă hơkrŭ. Hrom hăng anun, pơdah pran jua hơdor tơngia kơ hơdôm tơlơi gum hơgôp mơng hơdôm rơnuk nao hlâo amăng bruă pơdŏng hăng pơgang lŏn ia.

Grŭp hyu mă bruă mơng Khua pơ ala mơnuih ƀôn sang hăng khua mua tơring čar Lâm Đồng pơpŭ bơnga hơdor glăi ƀing ling tơhan pơsăn drơi ƀơi pơsat ling tơhan Đà Lạt

Kơ-iăng Khua git gai wai lăng pơ ala mơnuih ƀôn sang dêh čar ăt mơ-ĭt mơn tơlơi hơ-ơč hmưi truh ƀing gop, sang anô̆ ling tơhan pơsăn drơi hơdip mơ-ak, hơdip suaih pral, djă pioh hăng ngă tui gru grua ngă hơkrŭ mơng sang anô̆, jing hơdôm gru ba jơlan hlâo kơ hơdôm rơnuk ană amôn hrăm tui. Hlâo kơ anun Thượng tướng Trần Quang Phương hăng grŭp hyu mă bruă hmâo nao pơpŭ bơnga, tuĭ ñang hơdor glăi ƀing Ling tơhan pơsăn drơi ƀơi pơsat Ling tơhan pơsăn drơi Đà Lạt./.

Siu H’ Prăk: Pơblang