VOV4.Jarai - Čơtlăm lơ 7/4, Ding kna Grŭp mă bruă Ping gah dêh čar ta, Kơ-iăng Khua mir sir dêh čar yă Võ Thị Ánh Xuân hrom hăng grup hyu mă bruă hmâo nao čuă hăng brơi gơnam tam kơ hơdôm bôh sang anô̆ gah hơdră bruă ƀơi tơring glông Lạc Dương, tơring čar Lâm Đồng.

Kơ-iăng Khua mir sir dêh čar yă Võ Thị Ánh Xuân ƀơk brơi 30 anung gơnam kơ hơdôm bôh sang anô̆ gah hơdră bruă ƀơi tơring glông Lạc Dương

Tơdơi kơ hmư̆ tơlơi lăi pơthâo glăi kơ tơlơi pơđĭ kyar bơwih ƀong – mơnuih mơnam mơng tơring glông, Kơ-iăng Khua mir sir dêh čar yă Võ Thị Ánh Xuân hmâo čih pioh laih hăng pơsit yôm hơdôm bôh tơhnal mơ̆ tơring glông Lạc Dương dưi ngă amăng hơdôm hrơi rơgao, čang rơmang Lạc Dương ngă tui dong hơdôm tơlơi gal, hmâo lui hlâo mơng pô, ngă tui ba glăi bôh tơhnal bruă pơplih hơdră phun pla, mă yua bôh thâo măi mok phrâo amăng bruă bơwih ƀong huă ngă đang hmua, pơđĭ tui anô̆ klă hăng nua gơnam ngă rai ƀơi sa kual lŏn ngă đang hmua.

Ƀơk pơhmu nao 10 bôh sang dô̆ hơdor tơngia kơ tơring glông Lạc Dương, tơring čar Lâm Đồng

Tal anai, Kơ-iăng Khua mir sir dêh čar hmâo ƀơk brơi 30 anung gơnam kơ hơdôm bôh sang anô̆ gah hơdră bruă, ƀơk brơi pơhmu nao 10 bôh sang hơdor tơngiă kơ tơring glông Lạc Dương. Kơ-iăng Khua mir sir dêh čar ăt nao čuă mơn sa hơdră ngă đang hmua tui hơdră phrâo ƀơi tơring kual Lạc Dương, tơring glông Lạc Dương, tơring čar Lâm Đồng./.

Siu H’ Prăk: Pơblang