VOV4.Jarai - Ƀrô djơ̆ tal hơdor glăi 47 thun hrơi tlaih rơngai kual Dơnung dêh čar, pơlir hơbit lŏn ia (30/4), lơ 17/4, Kơ-iăng Khua mir sir dêh čar ta yă Võ Thị Ánh Xuân hmâo nao tuĭ ñang, pŭ bơnga hơdor kơ ƀing ling tơhan pơsăn drơi ƀơi Pra yang ling tơhan pơsăn drơi să Hoài Nhơn hăng čuă hơdôm bôh sang anô̆ gah hơdră bruă ƀơi plơi prong Hoài Nhơn, tơring čar Bình Định.

Amăng bruă pơplih phrâo, Hoài Nhơn ngă tui dong phiăn juăt khin hơtai, mut hrom gir run hrưn đĭ hăng ư-ang dưi čơkă anăn păn “Sông kơtang mă bruă” rơnuk pơplih phrâo yua kơ Khua mir sir dêh čar ta ƀơk brơi. Amăng hrơi anun mơn, Kơ-iăng Khua mir sir dêh čar ta yă Võ Thị Ánh Xuân hmâo nao čuă, pơsur pran jua hăng ƀơk gơnam tam kơ hơdôm bôh sang anô̆ gah hơdră bruă ƀơi plơi prong Hoài Nhơn, tơring čar Bình Định. Nao čuă hơdôm sang anô̆ gah hơdră bruă, Kơ-iăng Khua mir sir dêh čar ta tơña bla kơ tơlơi hơdip mơda, hrom hăng anun, rơkâo gong gai tơring čar Bình Định ngă klă hloh dong bruă bơwih brơi hơdôm bôh sang anô̆ gah hơdră bruă, djru mơnuih djru ngă hơkrŭ đưm./.

Siu H’ Prăk: Pơblang