VOV4.Jarai - Mơguah lơ 21/7, Kơ-iăng Khua mir sir dêh čar ta yă Võ Thị Ánh Xuân hmâo nao pơhmư̆ mông jơnum bưp ƀô̆ mơta ling tơhan đah kơmơi ngă hơkrŭ ayăt mă krư̆ amăng rơnuk blah ayăt Mi ƀrô djơ̆ tal hơdor glăi 75 thun hrơi pioh kơ Ling tơhan rơka ruă tơhan pơsăn drơi ƀơi ƀôn prong Hồ Chí Minh. Amăng 200 čô mơnuih pơ ala brơi rơbêh kơ 600 čô đah kơmơi ngă hơkrŭ mơng ƀôn prong Hồ Chí Minh, khă hmâo hơdôm mơnuih thun tha rơma samơ̆ glăk jing mơnuih ngă gru ba jơlan hlâo mơn, tuh rơyuh pơdŏng ƀôn prong, lŏn ia. Anai ăt lĕ mông bưp ƀô̆ mơta tal blung a mơng ƀing đah kơmơi ngă hơkrŭ hmâo ayăt mă krư̆ amăng rơnuk blah ayăt Mi. Pơhiăp amăng mông bưp, Kơ-iăng Khua mir sir dêh čar ta yă Võ Thị Ánh Xuân pơ ala kơ khua git gai Ping gah, Kơnuk kơna pơdah pran jua đăo biă hăng pơpŭ pran jua gơñu ƀơi anăp bruă tuh rơyuh prong prin mơng ƀing amĭ, ƀing neh, ƀing amai hmâo ayăt mă krư̆ amăng rơnuk blah ngă đưm - lăi rơđah, rim mơnuih apăn bruă, mơnuih ping gah hrơi anai khom pơhrăm pran jua, bôh thâo, pran gơgrong kah hăng hơdôm ling tơhan ngă hơkrŭ đưm, ngă brơi lŏn ia anăp nao, pơđĭ kyar tañ hăng kơjăp phik, hơdor tơngiă rơnuk nao hlâo hmâo tuh rơyuh kơ tơlơi rơngai lŏn ia./.

Siu H’ Prăk: Pơblang