Ƀơi jơlan hơdră, Kơ-iăng Khua mir sir dêh čar ta yă Võ Thị Ánh Xuân pơtrut pơsur tơña bla hăng gum hrom ƀing pơ ala gum djru ƀơk 50 bôh rơdêh dang wang, 100 anung prăk djru hrăm hră kơ 150 čô čơđai tơnap tap ƀơi tơring glông Thanh Hà hăng abih bang nua ñu 260 klăk prăk. Bơ̆ Keh prăk pơgang ba čơđai Việt Nam ƀơk abih bang 100 bôh rơdêh dang wang, lu anung gơnam hăng hơdôm anung prăk djru hrăm hră hăng abih bang nua ñu rơbêh kơ 1 klai 300 klăk prăk kơ čơđai tơnap tap ƀơi Hải Dương.

Mơng akô̆ thun truh ră anai, Keh prăk pơgang ba čơđai muai Việt Nam hmâo iâu pơhrui laih 20 klai prăk pioh pơphun hơdôm bruă mă sit nik djru čơđai tơnap tap kah hăng: ƀơk prăk djru hrăm hră, rơdêh dang wang, hrŏ trun tơlơi rơka ruă, pơgang bĕ ia ƀlung, djru hơdôm plơi pla pok pơhai hơdôm bruă mă Blan mă bruă yua kơ čơđai muai...