VOV4.Jarai - Mơguah lơ 26/7, ƀơi anih mă bruă Khua mir sir, Kơ-iăng Khua mir sir dêh čar ta yă Võ Thị Ánh Xuân tŭ jum Grŭp khua pơ ala mơnuih djru ngă hơkrŭ đưm tơring čar Bình Định ƀrô djơ̆ tal grŭp nao čuă plơi prong jưh jom Hà Nội hăng mut čuă pơsat jep Wa Hồ. Tơring čar Bình Định ră anai hmâo 180 rơbâo čô mơnuih gah hơdră bruă gum djru, amăng anun hmâo 32 rơbâo čô ling tơhan pơsăn drơi, rơbêh kơ 26 rơbâo čô ling tơhan rơka ruă. Bình Định ră anai glăk ngă tui djru prăk blan brơi rơbêh kơ 33 rơbâo čô mơnuih djru ngă hơkrŭ đưm hăng sang anô̆ tơhan pơsăn drơi. Pơhiăp amăng mông tŭ jum, Kơ-iăng Khua mir sir dêh čar ta yă Võ Thị Ánh Xuân mơ-ĭt laih tơlơi tơña bla hăng pran jua klă hiam truh hăng ƀing mơnuih pơ ala mơnuih djru ngă hơkrŭ đưm hăng mơnuih ngă hơkrŭ mơbruă tơring čar Bình Định; rơkâo tơring čar bơni hơdôm gru ba jơlan hlâo kiăng hơdor tơngia tla pran; pel ĕp bruă mă djru ba mơnuih djru ngă hơkrŭ đưm ƀơi tơring čar ră anai; iâu pơhrui ngăn rơnoh mơng mơnuih mơnam rơngiao kơ ngăn rơnoh kơnuk kơna kiăng bơwih brơi, pơhlôm hơdôm hơdră bruă hmao tlôn, djơ̆, dưm kơnar hăng mơnuih djru ngă hơkrŭ đưm./.

Siu H’ Prăk: Pơblang