VOV4.Jarai - Amăng hơdôm hrơi nao čuă hăng mă bruă ƀơi tơring čar Thừa Thiên Huế, mơguah (3/8), Kơ-iăng khua mir sir yă Võ Thị Ánh Xuân hrŏm hăng grup hyu mă bruă hơmâo nao čuă hăng tŭi ñang ƀơi sang pioh hơdor kơ Khua mir sir Hồ Chí Minh hăng Sang gru grua Đại tướng Lê Đức Anh.

Nao čuă ƀơi Sang pioh hơdor kơ Khua mir sir Hồ Chí Minh, ƀơi jơlan mrô 112 Mai Thúc Loan, plơi prong Huế, Kơ-iăng Khua mir sir yă Võ Thị Ánh Xuân hrŏm hăng grup hyu mă bruă hơmâo nao tŭi ñang ƀơi gong kut Khua mir sir Hồ Chí Minh hrŏm hăng sang anŏ wa. Anai lĕ sang wa Hô dŏ hơdip, mă bruă, hrăm hră amăng 6 thun, dong mơng thun 1895-1901. Ƀơi anai, pơđŏm glăi rơnuk hlăk ai mơng tơdăm Nguyễn Tất Thành, lĕ anih yă Hoàng Thị Loan, amĭ ñu rơngiă. Ƀrô tal anai, Kơ-iăng Khua mir sir yă Võ Thị Ánh Xuân ăt jao 200 klăk prăk kơ keh prăk djru čơđai Thừa Thiên Huế.

Siu Đoan: Pơblang