VOV4.Jarai - Ƀrô hrơi Jar kmar pioh kơ ƀing čơđai (1/6) hăng Blan ngă bruă yua kơ ƀing čơđai 2022, Kơ-iăng khua mir sir yă Võ Thị Ánh Xuân hơmâo nao čuă ƀing čơđai glăk pơjrao tơlơi ruă brŭ asar arăng juăt iâu ung thư ƀơi Sang ia jrao K (Anih pơjrao ƀơi Tân Triều, Hà Nội). Nao čuă jơmư, tơña bla hăng brơi gơnam kơ ƀing čơđai muai, hơdôm boh sang anŏ hơmâo ană bă glăk pơjrao tơlơi ruă ƀơi Sang ia jrao K Tân Triều, Kơ-iăng khua mir sir yă Võ Thị Ánh Xuân hơmâo tơlơi lăng ba, pap kơ ƀing čơđai, mơnuih glăk dŏ pơjrao ƀơi anai. Ƀrô hrơi Jar kmar piioh kơ ƀing čơđai, Kơ-iăng khua mir sir kiăng abih bang mơnuih duam ruă, biă ñu ƀing čơđai hiam drơi jăn pran jua, kiăng mơ-ak amăng pran jua, gir pơjrao tơlơi ruă, tañ suaih hăng tañ glăi tum jơngum hăng sang anŏ.  Kơ-iăng khua dêh čar ta mơ-ak biă lơ̆m anih pơjrao jai hrơi hiam, hơmâo djŏp gơnam hloh; laih dong bơni tơlơi gir run ƀu pơdơi pơdă mơng ƀing ơi ia jrao pơjrao brơi lu mơnui ruă ung thư, biă ñu lĕ ƀing đah kơmơi hrơi, čơđai anet, đah kơmơi pi kian dưi hơdip sui ƀiă.

Siu H’Mai: Pơblang