VOV4.Jarai-Hơdor glăi tal 132 thun hrơi tơkeng Khua mir sir Hồ Chí Minh, tlam lơ 19/5, ƀơi sang bruă khua mir sir, Kơ-iăng Khua mir sir yă Võ Thị Ánh Xuân bưp ƀô̆ mơta 60 čô hlăk ai ba gru hlâo gah Anom bruă bơwih ƀong huă sĭ mơdrô gơnong dlông. Anai lĕ, ƀing ƀing mơnuih ba gru hlâo pơ ala kơ 100 rơbâo čô hlăk ai mut phung gah anom bruă wai lăng ƀing ngă bruă sĭ mơdrô dêh čar, amăng bruă hrăm hăng ngă tui tơlơi pơmin, pran jua, tơlơi dŏ dong ƀong huă Hồ Chí Minh mơ̆ng thun 2020-2022.

Pơhiăp amăng mông bưp, Kơ-iăng Khua mir sir yă Võ Thị Ánh Xuân rơkâo Khul wai lăng djop anom bruă sĭ mơdrô gah kơnuk kơna dêh čar kơtưn bruă pơtô pơblang lu boh yôm phun, pơsir hơdôm tơlơi kiăng mơ̆ng ƀing hlăk ai mă bruă hur har ba gru hlâo, ăt ngă bruă kiăng ba glăi boh tŭ yua pơ anăp adih, pơđĭ tui pran jua mă bruă, tơlơi kiăng anŏ čang rơmang pơđĭ kyar pioh kơ anom bruă sĭ mơdrô djru hrom lu amăng bruă mă ră anai mơ̆ng ƀing hlăk ai, lăp hăng gru mơnuih ba jơlan hlâo kơ lu hlăk ai pơkŏn hla tui.

Nay Jek: Pơblang