Đĭ pơhiăp amăng mông bưp, kơ-iăng Khua mir sir lăi pơtong, gir kơtir hrăm hăng thâo yua ƀing thâo thăi lĕ gru grua yôm phăn mơng djuai ania ta, hơmâo Khua mir sir Hồ Chí Minh hăng djop rơnuk ƀu pơdơi pơtrut ngă. Amăng thun blan boh thâo ia rơgơi, pơplih mrô hăng boh thâo phrâo ană mơnuih pơčeh glăk pơđĭ kyar kơtang, ană mơnuih hăng tơlơi yôm mơng mơnuih rơgơi amra ba truh tơlơi dưi.

Kơ-iăng Khua mir sir rơkâo bruă pơsur hrăm, thâo yua mơnuih rơgơi hăng pơjing ană mơnuih gir hrăm tŏ tui hrưn đĭ, lăng bruă “Mơnuih ƀôn sang gir hrăm” ngă atur phun, pơtrut pran hrăm anŏ phrâo amăng abih bang mơnuih. Djop gưl Khul pơsur hrăm hră kiăng pơplih bruă mă, pơtrut kơtang pơplih mrô, pơlir hăng hrăm truh djai ba hăng bruă pơđĭ kyar mơnuih mă bruă, laih dong đing nao djru brơi ƀing ƀu thâo phe pho, kual ataih, asuek, pơgôp ngă lar hyu gru grua gir hrăm amăng mơnuih ƀôn sang.