VOV4.Jarai - Tlam lơ 16/9, Kơ-iăng khua mir sir yă Võ Thị Ánh Xuân git gai jơnum Khul pơgang ba ƀing čơđai Việt Nam, či pơtŏng glăi boh than hơmâo ngă mơng Khul djru ba ƀing čơđai 8 blan laih rơgao, pok pơhai bruă mă amăng hơdôm blan rơnuč thun. Kơ-iăng khua mir sir, yă Võ Thị Ánh Xuân lăi rơđah, amăng hrơi mông abih bang lêng kơ tơnap tap, samơ̆ hăng pran jua kiăng khăp laih anun tơlơi gơgrong bruă, Khul djru ba ƀing čơđai hơmâo ba tơbiă tơlơi kiăng ngă anun lĕ hơmâo 100 klai prăk amăng thun anai, pioh djru kơ 100 rơbâo čô čơđai laih anun dưi ngă rơbêh 50% akŏ bruă hơmâo ba tơbiă.

Mông jơnum

Kiăng hơmâo lu tui mơnuih djru, hơmâo djru lu hloh kơ ƀing čơđai tơnap tap, Kơ-iăng khua mir sir kiăng Keh prăk kiăo tui tơlơi hơmâo sit nik, čih pơkra hơdră ngă bruă amăng thun tơdơi anai, kơ mrô prăk djru ƀing čơđai laih anun iâu pơthưr arăng djru lăp djơ̆. Amăng anun, hơdôm bruă djru pơƀut amăng bruă: lăng ba tơlơi suaih pral, brač brơi čơđai ƀah tơƀuai, ƀing čơđai ruă hơtai boh, man pơdong sang dŏ brơi čơđai hơdôm boh sang hră tơnap tap dưi dŏ glăi đih pơdơi.

Siu H’Mai: Pơblang