Kơ-iăng Khua mir sir yă Võ Thị Ánh Xuân hrŏm hăng grup hyu mă bruă hơmâo nao tŭi ñang, dưm guang bơnga ƀơi gong kut Khua mir sir Hồ Chí Minh hăng pla bơnga pioh hơdor ƀơi anih djă pioh gru grua dêh čar Pác Bó (să Trường Hà, tơring glông Hà Quảng). Amăng tal hyu mă bruă anai, Kơ-iăng khua mir sir hơmâo jao 20 boh sang brơi kơ sang anŏ ƀun rin; ƀơk 50 anung gơnam brơi sang anŏ kơnuk kơna čem rông ba hăng 200 čô čơđai sang hră sang anŏ tơnap tap gir run hrưn đĭ hrăm hră rơgơi amăng tơring glông Hà Quảng.

Tŭ yap hơdôm tơlơi gir run hăng boh than dưi ngă amăng pơđĭ kyar bơwih ƀong huă mơnuih mơnam mơng Hà Quảng kah hăng tơring čar Cao Bằng dưi ngă hrơi blan laih rơgao, kơ-iăng Khua mir sir yă Võ Thị Ánh Xuân pơtă tơring čar kiăng tŏ tui jak iâu gum pơgôp kiăng đing nao bơwih brơi tơlơi hơdip kơ mơnuih ƀon sang, ngă tui gru grua plơi pla ngă hơkrŭ, tui tơlơi dưi, tơlơi gal glăk hơmâo, kiăng pơhưč tuh pơ alin, pơđĭ kyar bơwih ƀong huă, hrưn đĭ tơlơi hơdip kơ mơnuih ƀon sang.