Nao ngă lơphet hrŏm hơmâo Kơ-iăng Khua mir sir yă Võ Thị Ánh Xuân, khua mua hơdôm ding jum, gơnong bruă hrŏm hăng ƀing khua pơ ala khul pơlir hơbit giang mah Việt Nam -Singapore. Amăng mông ngă lơphet, ƀing khua mua hơdor glăi thun blan rô nao rai ngă hrŏm amăng 50 thun laih rơgao kơplah wah Việt Nam hăng Singapore.

Tơdơi kơ 50 thun, truh ră anai, bruă ngă hrŏm kơplah wah dua bơnah jai hrơi kjăp phik hăng pơhlôm djop mơta bruă. Bruă ngă hrŏm sĭ mơdrô hăng tuh pơ alin ba glăi lu tơlơi dưi prong prin. Đĭ pơhiăp amăng mông ngă lơphet, Kơ-iăng khua mir sir yă Võ Thị Ánh Xuân pơsit tong: Ƀing ta ăt ƀuh tơlơi rô nao rai Việt Nam-Singapore lĕ sa hơbô̆ bruă truh kih, wŏt ngă hrŏm dua bơnah, djop bơnah. Tơlơi đăo gơnang nao rai lĕ akŏ phun pơtrut tơlơi rô nao rai ngă hrŏm jai dơlăm, sit nik amăng djop mơta bruă.