Đĭ pơhiăp amăng mông ngă lơphet pioh hơdor, Kơ-iăng khua mir sir yă Võ Thị Ánh Xuân lăng yôm hăng pơpŭ hơdôm boh than dưi ngă mơ̆ Ping gah, gong gai hăng mơnuih ƀôn sang djop djuai ania tơring čar Hòa Bình lăi hrŏm hăng tơring glông Kim Bôi hnun mơn dưi ngă amăng thun blan rơgao.

Kơ-iăng khua mir sir lăi pơtong, ră anai, đơ đam dêh čar glăk đing nao ngă tui truh kih tơlơi pơtrun mơng Jơnum Ping gah tal XIII, prap lui jơnum Ping gah đơ đam dêh čar tal XIV-anai lĕ jơnum yôm kar tơlơi klah čun jơnum gơnong glông tal 10 rơgao, laih dong prap lui klă djop mơta kiăng pơphun truh kih jơnum Ping gah tơring čar tal XVIII, ba tơbiă hơdôm bruă jao, hơdră pơđĭ kyar tañ, hơđong kjăp, pơjing tơring čar Hòa Bình tañ jing tơring čar pơđĭ kyar, dong amăng grup ba jơlan hlâo amăng kual čư̆ siăng gah kơdư.