Mơng akŏ blan 7 truh ră anai ƀơi Sơn La ƀuh hơjan ia ling dăo ngă 12 čô mơnuih djuai, rơbêh 2.600 boh sang răm rai, giăm 30 boh sang hră bơdjơ̆ nao, jơlan glông, glông hrĕ apui lơtrik … tơ̆i răm rai. Him lăng abih tih gơnam răm rai truh pơ rơbêh 500 klai prăk. Yă Võ Thị Ánh Xuân, Kơ-iăng khua mir sir mơ-it nao tơlơi tơña bla tơl ƀing apăn bruă, mơnuih ƀôn sang kual ia ling dăo ƀơi Sơn La.

Kơ-iăng khua mir sir ăt rơkâo Ding jum ngă hmua hăng pơđĭ kyar ƀon lan hơmâo hơdră pơhlôm hlâo sui pơ anăp, djru brơi hơdôm kual juăt bơdjơ̆ nao lơm hơjan kơthel anun lĕ Sơn La hơmâo hơdră pơhlôm hlâo, đăo lăng hlâo, hơmâo gơnam pioh pơgang pơgăn kiăng plai ƀiă anŏ răm rai bơdjơ̆ nao mơnuih ƀôn sang, djru brơi mơnuih ƀôn sang hơđong tơlơi hơdip mơda. Ƀrô tal anai, kơ-iăng khua mir sir yă Võ Thị Ánh Xuân hơmâo djru brơi tơring čar Sơn La 700 klăk prăk; djru brơi 2 boh tơring glông Mai Sơn hăng Thuận Châu 200 klăk prăk rŭ pơdong glăi anŏ răm rai yua hơjan ia ling dăo.