Kơ-iăng khua mir sir yă Võ Thị Ánh Xuân tŭ jum Khua apăn akŏ, Khua anom bruă dăp hơdră anom pôr pơhing Kyodo Japan
Thứ sáu, 10:43, 04/08/2023
VOV/Siu Đoan Pơblang
VOV/Siu Đoan Pơblang
VOV4.Jarai-Tlam lơ 3/8, ƀơi Ƀirô mă bruă, Kơ-iăng khua mir sir yă Võ Thị Ánh Xuân tŭ jum ơi Toru Mizutani, Khua apăn akŏ, khua anom bruă dăp hơdră anom pôr pơhing Kyodo- Japan glăk rai čuă hăng mă bruă ƀơi Việt Nam.
Amăng mông bưp, Kơ-iăng khhua mir sir lăng yôm tơlơi rô nao rai Việt Nam -Japan amăng 5 thun laih rơgao ƀu pơdơi hơkrŭ kjăp, pơđĭ kyar hăng jai hrơi dơlăm tui. Kơ-iăng khua mir sir čang rơmang anom pôr pơhing Kyodo hăng anom pôr pơhing Việt Nam pơplih phrâo jơlan hơdră hăng boh tơhnal ngă hrŏm, sit biă ñu lơm bruă yua boh thâo phrâo jai hrơi kơtang tui.
Čang rơmang anom pôr pơhing Kyodo amra hơmâo lu tơlơi pơhing lăi nao rup rap, lŏn ia, mơnuih ƀon sang Việt Nam; hơdôm tơlơi črâo trun, hơdră bruă mơng Ping gah, Kơnuk kơna Việt Nam kiăng mơnuih ƀon sang Japan kah hăng gơyut gơyâo jar kmar thâo rơđah dong kơ hơdră bruă mơng Việt Nam, mơng anun pơhưč lu anom bruă tuh pơ alin mơng Japan hăng jar kmar nao bơwih ƀong pơ Việt Nam.
Viết bình luận