VOV4.Jarai - Anom apăn bruă gah Anom bruă git gai Dêh čar kơ pơgang pơgăn tơlơi truh lŏn adai ngă phrâo ngă hră mơ-it kơ Anom bruă git gai pơgang tơlơi truh lŏn adai ngă hăng djru ba mơnuih bưp tơlơi truh tơring čar Kon Tum; djŏp Ding jum: Ding jum bruă hmua hăng pơđĭ kyar ƀon lan, Pơkra gơnam sĭ mơdrô; Grup apui lơtrik Việt Nam; Sang bruă kơsem min Vật lý Địa cầu kơ bruă pơgang tơlơi truh lŏn pơpư̆ ƀơi tơring čar Kon Tum. Tui hăng tơlơi lăi pơthâo mơng Sang bruă kơsem min Vật lý Địa cầu, Sang bruă kơsem min Boh thâo ia rơgơi Việt Nam, lơ 23/8 hơmâo 4 wơ̆t lŏn pơpư̆ čư̆ mơgơi ƀơi tơring glông Kon Plong, tơring čar Kon Tum, amăng anun hơmâo tal pơpư̆ 4,7 đô̆ rich-te, tơlơi truh hơmâo pơkă gưil 1. Kiăng kơjăp bruă pơgag, plai ƀiă hơmâo tơlơi truh sat yua lŏn pơpư̆ ngă, anom bruă git gai dêh čar pơgang tơlơi truh lŏn adai ngă git gai kơ Anom bruă pơgang tơlơi truh lŏn adai ngă hăng djru ba mơnuih bưp tơlơi truh tơring čar Kon Tum, hơdôm ding jum, anom bruă hăng hơdôm anom bruă bơdjơ̆ nao pơtŏng glăi rơđah anŏ bơbeč djơ̆, anŏ hŭi rơhyưt mơng tơlơi truh lŏn pơpư̆ ngă kơ sang dŏ, anih mă bruă, sang hră hăng anih anom glăk pơkra, tañ ƀuh, pơsir hĭ tơlơi truh, tơlơi răm rai, pơhlôm rơnuk rơnua kơ mơnuih ƀon sang hăng dram gơnam; prăp lui mơnuih mă bruă, gơnam yua, rơdêh đah mơng dưi pơgang, pơsir tañ lơ̆m hơmâo tơlơi truh.

Siu H’Mai: Pơblang