VOV4.Jarai - Gơnong bruă Pơkra gơnam sĭ mơdrô tơring čar Kon Tum brơi thâo, amăng kơthel mrô 9 thun 2020, Kông ti pơčruh ngăn apui lơtrik Đức Nhân - Đăk Psi hăng Kông ti pơčruh ngăn Đức Thành Gia Lai hơmâo mă yua dơnao ia ƀu djơ̆ tơlơi pơkă jing ngă ia lip prong, ngă rơngiă dram gơnam, hmua pơdai mơng 62 boh sang anŏ, truh ră anai aka ƀu duh prăk ôh.

Mơnuih ƀon sang pơtô brơi anih ia dăo yua sang măi apui lơtrik pioh hơmâo ia blai đĭ.

Phun tơhnal ñu lĕ yua Kông ti pơčruh ngăn Đức Thành Gia Lai jăm yua ayuh hyiăng ngă hăng bruă pơđuăi apui lơtrik sang măi anun kơƀah tơlơi gơgrong bruă, gum ngă hrŏm...pel ĕp, lăng glăi mrô jŭ yap či duh ba, djru brơi hơdôm boh sang anŏ anai. gơnong bruă pơkra gơnam sĭ mơdrô tơring čar Kon Tum amra lăi pơthâo bruă anai hăng Jơnum min mơnuih ƀon sang tơring čar kiăng Phun kông ti Apui lơtrik Tong Krah dêh čar pơdơi jăng jai bruă mă mơng sang măi tơdah pô tuh pơ plai pơkra apui lơtrik dŏ kun, ƀu brơi prăk kơ 62 boh sang anŏ.

Siu H’Mai: Pơblang