VOV4.Jarai-Ƀơi tơring čar Kon Tum, hơmâo sa boh anom ngă bong hrom hơbô̆ phrâo sĭ mơdrô gơnam đang hmua jing ia jrao akha kyâo pioh tuai hyu ngui blơi, anom bruă anai hơmâo lu ding kơna amăng tơring čar ngă hrom, hơmâo pơdah ƀô̆ mơta ngă bruă ƀơi să tơnap tap hloh Măng Ri, tơring glông Tu Mrông. Anom ngă ƀong hrom anai anai, anom ngă hrom sĭ ia jrao akha kyâo tuai hyu ngui Ngọc Linh H80 hơmâo 172 ding kơna, amăng anun ha mơkrah lĕ ding kơna jing mơnuih djuai ƀiă hăng lu ding kơna mơ̆ng anih pơkŏn ngă hrom.

Gơnam sĭ mơdrô mơ̆ng ding kơna ngă hrom sĭ jrao akha Sâm hrĕ Ngọc Linh H80

Anai lĕ anom bruă HTX ngă ƀong hrom hơmâo lu ding kơna hloh ƀơi tơring čar Kon Tum ngă bruă amăng bruă sĭ mơdrô anai laih anun hơbô̆ bruă lông ngă lăng hlâo ƀơi tơring glông Tu Mrông. Anom bruă ngă ƀong hrom anai, pơkă tơhnal kiăng lĕ sĭ mơdrô boh troh, gơnam mơ̆ng đang hmua; pơtô brơi ƀing ngă ding kơna hơdră ngă hmua pla pơjing kiăng boh jor, hiam lôm, tŭ yua; djru ba tơlơi thâo hơdră wai lăng ngă hmua pla pơjing truh kơ sĭ mơdrô; djru nao rai tơdruă kơplah wah ding kơna amăng anom ngă ƀong hrom ăt kah hăng kơplah wah lu anom ngă ƀong hrom amăng plơi pla. Truh ră anai, tơring čar Kon Tum hơmâo 218 boh anom ngă ƀong hrom hăng 1 boh anom lir hơbit ngă ƀong hrom.

Rơnoh prăk pơplai mă bruă, rơnoh prăk jŭ yap wơ̆t dram gơnam pơgôp hrom, lir hơbit truh kơ 275 klai prăk. ƀuh rơđah lĕ, djop anom ngă ƀong hrom jai hrơi mă bruă jai lu mơnuih mut ngă ding kơna tui hơdră tơlơi phiăn sĭ mơdrô phrâo, ngă pô amăng bruă pơphun ngă bruă hăng hơmâo tơlơi pơčruh hrom lăp biă mă kơ bruă mă pơđĭ kyar bơwih ƀong huă mơnuih mơnam tơring čar Kon Tum.

Nay Jek: Pơblang